Tramp və Altman süni intellektin inkişafını müzakirə ediblər

ABŞ Prezidenti Donald Tramp Respublikaçılar Partiyasının qurultayının pərdə arxasında "OpenaAI"ın rəhbəri Sem Altmanla qapalı görüş keçirib.

Operativ Media-nın MS NOW telekanalına istinadən məlumatına görə, əsas müzakirə mövzusu süni intellekt və texnologiyanın sürətlə genişlənən imkanları olub.

Mənbələrin məlumatına görə, görüşü Altman özü istəyib.

Görüşdən bir neçə gün sonra Tramp və Altman ən güclü süni intellekt sistemlərinin inkişaf tempi ilə bağlı açıq şəkildə fikir ayrılığında olublar. Altman bildirib ki, texnologiyanın inkişafının yavaşlaması təhlükəsizliklə bağlı narahatlıqlarla əsaslandırıla bilər və ABŞ-yə qarşı rəqabət təzyiqi süni intellekt imkanlarının onlara nəzarət mexanizmlərindən daha sürətli inkişaf etdiyi vəziyyətə gətirib çıxarmamalıdır.

Tramp sənayeyə əlavə məhdudiyyətlərə qarşı çıxıb. O, süni intellektin "güclü və ağıllı prezidentdən" kifayət qədər nəzarət tələb etdiyini və onun fikrincə, artan tənzimləmənin sənayeni "unudulmağa və iflasa" apara biləcəyini deyib.

Daha əvvəl "Anthropic"in rəhbəri Dario Amodei aparıcı süni intellekt şirkətlərinin potensial riskləri qiymətləndirmək məqsədilə vaxt qazanmaq üçün ən güclü modellərin inkişafındakı yavaşlamanı əlaqələndirmələrini təklif edib. Bu ideya Altman və amerikalı sahibkar İlon Mask tərəfindən dəstəklənib.