Numan Kurtulmuş Bakının işğaldan qurtuluşunun 108-ci ildönümü münasibətilə Azərbaycanı təbrik edib

Türkiyə Böyük Millət Məclisinin (TBMM) sədri Numan Kurtulmuş Bakının düşmən işğalından qurtuluşunun 108-ci ildönümü münasibətilə Azərbaycanı təbrik edib.

Operativ Media xəbər verir ki, TBMM sədri bu barədə "X" hesabında paylaşım edib.

"Can Azərbaycanın paytaxtı Bakının düşmən işğalından qurtuluşunun 108-ci ildönümünü ürəkdən təbrik edirəm.

Bu müqəddəs zəfərin qəhrəmanları başda Qafqaz İslam Ordusu Komandanı Nuri Paşa olmaqla əziz şəhidlərimizi və Azərbaycanın istiqlal mübarizəsinə çiyin verən bütün qəhrəmanları minnətdarlıqla və şükranlıqla yad edirəm", - o paylaşımında vurğulayıb.