Azərbaycanda daha 49 nəfər COVID-19-a yoluxub, 3 nəfər vəfat edib

Azərbaycan Respublikasında koronavirus (COVID-19) infeksiyasına 49 yeni yoluxma faktı qeydə alınıb, 23 nəfər müalicə olunaraq sağalıb.

"Operativ Media" xəbər verir ki, Nazirlər Kabineti yanında Operativ Qərargahdan verilən məlumata görə, COVID-19 üçün götürülən analiz nümunələri müsbət çıxmış şəxslərdən 3 nəfəri vəfat edib.

Azərbaycanda indiyədək ümumilikdə 831 316 nəfərin koronavirus infeksiyasına yoluxması faktı müəyyən edilib. Onlardan 820 834 nəfər müalicə olunaraq sağalıb, 10 238 nəfər vəfat edib, aktiv xəstə sayı 244 nəfərdir.

Ölkədə son sutka ərzində 1 081, hazırkı dövrədək isə 7 588 338 test aparılıb.