Netanyahu: “İsrail İranın nüvə silahı əldə etməməsi üçün hər şeyi edəcək”

İsrail İranın nüvə silahı əldə etməməsi üçün lazım olan hər şeyi edəcək.

"Operativ Media" xəbər verir ki, bu barədə İsrailin Baş naziri Benyamin Netanyahu videomüraciətində deyib. "Mən İranla bağlı bütün xəbərləri izləyirəm. Ona görə də həm İrana, həm də beynəlxalq ictimaiyyətə açıq mesajım var: İsrail İranın nüvə silahına sahib olmasının qarşısını almaq üçün əlindən gələni edəcək" – deyə Baş nazir vurğulayıb. Xatırladaq ki, bir neçə gün qabaq İranın mərkəzindəki Zaqros dağlarında yeni nüvə obyektinin tikilməsi ilə bağlı foto və videolar yayılmışdı. Məlumata görə, yerin altında tikilən obyekt ABŞ-ın son raketlərinin təsir dairəsindən kənardadır.