“Zəngəzur dəhlizinin açılması ilə Türkiyə ilə Azərbaycan arasındakı məsafə 38 kilometrə enəcək”.

"Operativ Media" xəbər verir ki, bu barədə "TRT Haber"ə müsahibəsində Azərbaycanın Türkiyədəki səfiri Rəşad Məmmədov bildirib.

“Bu, Türkiyənin Asiya ilə ticarət əlaqəsi üçün də vacibdir. Türkiyə şərqlə qərb arasında əlaqə quracaq”, - səfir qeyd edib.

Rəşad Məmmədov Zəngəzur dəhlizi layihəsinin Ermənistanın da öz təhlükəsizliyini təmin etmək üçün vacib olduğunu vurğulayıb:

"Zəngəzur dəhlizi əslində Ermənistanın inkişafı üçün pul qazanmaq, gələcəyi üçün müstəqilliyini təmin etmək, təhlükəsizliyini təmin etmək üçün yaxşı layihədir".