Bu gün İspaniyada yeni hökuməti müəyyən etmək üçün növbədənkənar seçkilər keçiriləcək

Bu gün İspaniyada növbəti 4 il ərzində ölkəni idarə edəcək mərkəzi hökuməti müəyyən etmək üçün növbədənkənar ümumi seçkilər keçiriləcək.

"Operativ Media" xəbər verir ki, Parlamentdə 350, Senatda isə 265 senatordan 208-in müəyyənləşəcəyi İspaniyada seçkilərdə 2,3 milyonu xaricdən cəmi 37,4 milyon seçici səs verə biləcək.

İspaniya Ali Seçki Şurası seçkilərlə əlaqədar ölkə daxilində 210 min seçki qutusu qurulduğunu açıqlayıb.

Ölkənin demokratiya tarixində ikinci dəfə yay dövrünə təsadüf edən seçkilər həddindən artıq istilər səbəbindən polemika mövzusuna çevrildiyi halda, qutuların qurulduğu bir çox məktəblərdə bülletenlərin yerləşdiyi masalara ventilyator quraşdırılıb və çoxlu su aparılıb.