"Twitter", "Tesla" və "SpaceX"in baş direktoru İlon Mask dünyanın ən varlı adamları siyahısında növbəti dəfə birinci olub.

"Operativ Media" xəbər verir ki, bu barədə "Forbes" jurnalının dünyanın ən varlı adamları siyahısında qeyd olunub.

Məlumata görə, Mask Fransanın "LVMH" holdinqinin rəhbəri Bernard Arnonu geridə qoyaraq, “dünyanın ən varlı adamı” statusunu yenidən qazanıb. Bildirilib ki, Maskın sərvəti 1,75% artaraq 240,7 milyard dollara çatıb. Buna səbəb isə elektromobil istehsalçısı "Tesla"nın səhmlərinin 2,5% bahalaşması olub.

Eyni zamanda, Bernard Arnonun sərvəti  isə 1%-dən çox azalaraq 234,9 milyard dollara enib.

Gözəl Həşimova