Aİ PUA istehsalına görə İrana qarşı yeni sanksiyalar tətbiq edib

İrana qarşı pilotsuz təyyarələrin istehsalı sahəsində əməkdaşlığı qadağan edən yeni sanksiya rejimi Aİ-nin rəsmi jurnalında dərc olunub.

"Operativ Media" xəbər verir ki, sənəddə deyilir ki, İranın pilotsuz təyyarələrin istehsal imkanlarının genişləndirilməsinə töhfə verə biləcək məhsulların və texnologiyaların Aİ mənşəli olub-olmamasından asılı olmayaraq, İrandakı hər hansı fiziki və ya hüquqi şəxsə birbaşa və ya dolayı yolla satılması, tədarükü, ötürülməsi və ya ixracı qadağandır.

Yeni sanksiyalar Aİ-nin İranda pilotsuz təyyarələrin istehsalı ilə məşğul olduğunu hesab etdiyi şəxslərə qarşı fərdi məhdudiyyətləri də nəzərdə tutur.