NATO-Ukrayna Şurası iyulun 11-12-də NATO-nun Brüsseldəki mənzil-qərargahında səfirlər səviyyəsində Vilnüs Sammitində təsis edildikdən sonra ikinci iclasını keçirib. İclasda Ukrayna baş nazirinin müavini Aleksandr Kubrakov və Ukrayna hərbi rəsmiləri də iştirak edib.
"Operativ Media" xəbər verir ki, görüş NATO-nun baş katibi Yens Stoltenberq və Ukrayna prezidenti Volodimir Zelenski arasındakı məsləhətləşmələrdən sonra keçirilib.
İclasa NATO baş katibinin müavini Mirça Coana sədrlik edib.
NATO iclasdan sonra verdiyi açıqlamada Rusiyanın müqavilədən çıxma qərarı və Ukraynanın taxıl ixracını dayandırmaq cəhdlərinin, Ukraynadakı liman şəhərlərinə və taxıl anbarlarına hücumlarının müttəfiqlər və Ukrayna tərəfindən pisləndiyini bildirib.
Bolqarıstanın Qara dənizdəki xüsusi iqtisadi zonasında Rusiya tərəfindən gərginliyin artması riski yarandığını ifadə edən Yens Stoltenberq deyib:
"Rusiya Qara dənizdə təhlükəli və gərgin hərəkətlərə görə tam məsuliyyət daşıyır. Rusiya aclıqdan silah kimi istifadə etməyi dayandırmalı və dünyanın həssas bölgələrini ərzaq ilə hədələməməlidir. Rusiyanın hərəkətləri həm də NATO üçün strateji əhəmiyyətli Qara dəniz regionunda sabitliyə ciddi təhlükə yaradır. Ukraynaya dəstəyimizi artırmaqdayıq. Biz Alyansın hər qarış ərazisini istənilən hücumdan müdafiə etməyə hazırıq".
“Müttəfiqlər Türkiyənin taxıl sazişini canlandırmaq üzrə davamlı səylərini, həmçinin Bolqarıstan və Rumıniya da daxil olmaqla digər müttəfiqlərin, Aİ və BMT-nin Ukrayna taxılını quru və dəniz yolu ilə ixrac etmək səylərini alqışlayırlar”, - deyə bəyanatda əlavə edilib.
