Danimarkada yenidən Qurana qarşı provakasiya baş verib, müqəddəs kitab yandırılıb

Danimarkada İslam əleyhdarı və ifrat millətçi “Danske Patrioter (Danimarka Patriotları)” qrupunun üzvləri bu gün Pakistanın, daha sonra isə İraqın Kopenhagen səfirlikləri qarşısında Qurani-Kərimi yandırıblar.

"Operativ Media" dünya mətbuatına istinadən xəbər verir ki, İslama qarşı pankart açan və İslam dinini təhqir edən qrup Pakistan səfirliyinin qarşısında bu ölkənin bayrağını yerə ataraq üzərində addımlayıb.

Quranı yandıran qrup üzvləri bu anları sosial media hesablarında canlı olaraq paylaşıblar. Qrup Qurani-Kərimin üzərinə ayaqqabı da taxıb.

Qrup üzvləri Kopenhagendəki İraq səfirliyi qarşısında da Quranı yandırıblar. Təxribatlar polisin mühafizəsi altında həyata keçirilib.