Prezident Volodimir Zelenski Ukrayna ordusunun xüsusi əməliyyat qüvvələrinin Baxmut istiqamətindəki ön mövqelərinə baş çəkib.

"Operativ Media" xəbər verir ki, bu barədə Ukrayna Prezidenti Telegram kanalında yazıb. O, Çasovoy Yarda komandirin əməliyyat vəziyyəti ilə bağlı məruzəsini dinlədiyini, hərbçilərlə söhbət etdiyini bildirib. Volodimir Zelenski döyüşçülər qarşısında çıxışından və mükafatların təqdimat mərasimindən videogörüntülər də yayımlayıb.

İyulun 25-də Ukrayna Silahlı Qüvvələri quru qoşunlarının komandanı Aleksandr Sırski komandanlığın Baxmut və Krasnolımansk istiqamətlərində mürəkkəb vəziyyətlə əlaqədar planlarına düzəlişlər edildiyini açıqlamışdı.