Dünya Kuboku: Medalların taleyinə sabah aydınlıq gələcək

Bakıda keçirilən şahmat üzrə Dünya Kubokunda medalların taleyinə tay-brekdə aydınlıq gələcək.

"Operativ Media" xəbər verir ki, finalın ikinci oyununda norveçli Maqnus Karlsen Hindistan şahmatçısı Rameşbaba Praqnanandxa ilə bərabərə qalıb. İlk oyunda da heç-heçə qeydə alındığından Dünya Kubokunun qalibi sabah tay-brekdə məlum olacaq. 

Üçüncü yer uğrunda ikinci oyunda Azərbaycan şahmatçısı Nicat Abasov ABŞ təmsilçisi Fabiano Karuanaya uduzub. İlk oyunda N.Abasov qalib gəldiyindən ümumi hesab bərabərləşib. Şahmatçılar sabah tay-breykdə üz-üzə gələcəklər.