Azərbaycan 2-ci Liqasında mübarizə aparan "Cəbrayıl" futbol klubu yeni baş məşqçisini ictimaiyyətə təqdim edib.

"Operativ Media" xəbər verir ki, "Cəbrayıl" Cavid Hüseynovu komandanın başına gətirib. Təcrübəli baş məşqçi ilə 1 illik müqavilə imzalanıb.

Xatırladaq ki, Cavid Hüseynov 1988-ci ildə Cəbrayıl şəhərində anadan olub. Futbolçu kimi "Turan", "Neftçi", "Adana Demirspor", "Bakı", "Qəbələ", "Zirə" klublarında çıxış edib. 2021-ci ildən "Cəbrayıl"da məşqçi karyerasına başlayıb. 2022/23 mövsümündə Premyerliqada "Şamaxı" klubuna rəhbərlik edib.

2022-ci ildə "Cəbrayıl" FK ilə Azərbaycan Region Liqasının qalibi olub.