“Neftçi” PFK İsmayıl Zülfüqarlı ilə müqavilənin müddətini uzadıb.

"Operativ Media" xəbər verir ki, bu haqda klubun mətbuat xidməti məlumat yayıb. 22 yaşlı yarımmüdafiəçi ilə 2023/24-cü illər mövsümünün sonunda bitməli olan anlaşma daha 1 illiyə artırılıb.

Qeyd edək ki, “Neftçi”nin yetirməsi olan Zülfüqarlı əsas komandada keçirdiyi 5 mövsüm ərzində 63 oyunda meydana çıxıb, 4 qola imza atıb.