"Qarabağ”ın Avropa Liqasının pley-off mərhələsində rəqibi olan Sloveniyanın “Olimpiya” klubu heyətini yeni futbolçu ilə gücləndirib.

"Operativ Media" Lyublyana təmsilçisinin mətbuat xidmətinə xəbər verir ki, ölkə çempionu Albaniya “Eqnatiya”sından Redi Kasanı transfer edib.

İtaliya “Parma”sının yetirməsi olan 22 yaşlı hücumçu icarəyə götürülüb.

Xatırladaq ki, “Qarabağ” səfərdəki ilk matçda rəqibini iki cavabsız qolla üstələyib. Cavab görüşü avqustun 31-də Bakıda olacaq.