Bruno Fernandeş "Mançester Yunayted"in 75 milyon avroluq yeni transferi ilə etdiyi söhbətini açıqlayıb

"Mançester Yunayted"in yarımmüdafiəçisi Bruno Fernandes komandanın yeni hücumçusu Rasmus Hojlundla meydanda güclü tərəfdaşlıq qurmaq istəyir.

"Operativ Media" xəbər verir ki, 75 milyon avroya "Atalanta"dan "Mançester Yunayted"ə keçdikdən sonra Rasmus Hojlund yeni komandası ilə ilk matçını "Arsenal"a qarşı keçirdi və 3:1 hesabı ilə məğlub oldu. "Mançester Yunayted" azarkeşləri danimarkalı hücumçunun meydanda yaxşı çıxış edəcəyinə ümid edir və Bruno Fernandeş bunun baş tutması üçün əlindən gələni edəcəyini deyib.

Bruno Fernandeş Hojlund və komandadakı digər hücumçulara arxalarında olan hər kəsin onlara xidmət etməyə borclu olduğunu söyləyib. "f365"in məlumatına görə, “Mançester Yunayted”in kapitanı Hojlund haqqında bunları deyib: "O, hər zaman hamı ilə ünsiyyət qurmağa çalışan birisidir, indiyə qədər müşahidə etdiyim qədər, çalışqan oyunçudur və heyətdə yer almağa hazırdır. Düşünürəm ki, o, ən qısa zamanda formasını bərpa edəcək, bizi gücləndirəcək və çoxlu qollar vuracaq. Onunla və digər oyunçularla meydanda güclü bağ qurmaq istəyirəm. Onlara mənim və arxalarındakı hər kəsin işinin onlara xidmət etmək olduğunu söylədim"