Türkiyə millisini almaniyalı mütəxəssis çalışdıra bilər

İki ildir işsiz olan məşhur alman mütəxəssis Yoahim Löv Türkiyə millisini çalışdıra bilər. 

"Operativ Media" xəbər verir ki, bu barədə DHA jurnalistləri məlumat yayıb.

63 yaşlı çalışdırıcı bu vəzifəyə əsas namizədlərdən biri hesab olunur. Löv istefaya göndəriləcəyi gözlənilən həmyerlisi Stefan Kuntzu əvəz edə bilər.

Yoahim Almaniya millisindən istefa verdikdən sonra - 2021-ci ilin yayından işsizdir.

Mətbuat Lövün Braziliya millisində işləyə biləcəyi ilə bağlı da məlumatlar yayıb. Lakin mütəxəssis bu şayiələri təkzib edib.