İkinci orta çəkidə mütləq dünya çempionu Saul Alvares (60 qələbə -2 məğlubiyyət) sabiq dünya çempionu Cermell Çarlonu (35-2) məğlubiyyətə uğradıb. Meksikalı boksçu hakimlərin yekdil qərarı ilə qələbə qazanıb (119-109, 119-108, 119-109).

"Operativ Media" xəbər verir ki, bütün döyüş ərzində Saul daha fəal tərəf olub və rəqibinə endirdiyi zərbələrin sayəsində üstün olub. Yeddinci raundda o, amerikalı idmançını nokdauna da göndərməyi bacarıb. Çəkisini artıraraq ilk dəfə burada döyüşən Çarlo titulunu qorumaq məcburiyyətində deyildi.

Alvares sonuncu dəfə keçən ilin mayında məğlub olub. ABŞ-nin Las-Veqas şəhərində yerləşən “T-Mobile” arenasında Alvaresi WBA çempionu rusiyalı Dmitriy Bivol (21-0) üstələmişdi