Mahir Emrelili "Dinamo Zaqreb" məğlub oldu

Azərbaycan millisinin üzvü Mahir Emrelinin də formasını geyindiyi Zaqreb "Dinamo"su Xorvatiya çempionatında mərkəzi oyuna çıxıb.

"Operativ Media" xəbər verir ki, 3-cü pillədə olan komanda10-cu turda lider "Hayduk"un qonağı olub. 

Oyun meydan sahiblərinin qələbəsi ilə başa çatıb - 1:0. Start heyətdə meydana çıxan Mahir 62-ci dəqiqədə əvəzlənib. O, 26-cı dəqiqədə sarı vərəqə ilə cəzalandırılıb.

Bu nəticədən sonra "Hayduk" 21 xalla liderliyini möhkəmləndirib. Bir oyun az keçirən "Dinamo" isə 16 xalla 3-cüdür.

1 oktyabr

20:00. "Hayduk" - "Dinamo" (Zaqreb) - 1:0

Qol: Emir Sahiti, 59