Almaniya klublarından "Şalke" "Real"ın sabiq futbolçusu Raul Qonzalesə baş məşqçilik təklifi göndərib.

"Operativ Media" xəbər verir ki, bu barədə Almaniya mətbuatı məluat yayıb. 46 yaşlı mütəxəssis "Şalke"nin bu təklifini rədd edib. O, 2019-cu ilin yayından rəhbərlik etdiyi "Real Kastilya"da işləməyə davam etmək istəyir.

Qeyd edək ki, "Şalke" ötən ayın sonunda uğursuz nəticələrə görə baş məşqçi Tomas Raysı istefaya göndərib.