Rio Ferdinand: "Salaha qarşı müdafiə olunmaq Harri Keyndən daha çətin olardı"

Futboldan sonra karyerasını şərhçi kimi davam etdirən Rio Ferdinand yaxşı başlanğıc edən "Liverpul"un ulduzunu tərifləyib.

"Operativ Media" xəbər verir ki, “Mançester Yunayted”in və İngiltərə futbolunun əfsanəvi müdafiəçisi Rio Ferdinand Məhəmməd Salah və Harri Keyni müqayisə edərkən, Salahdan çox Keynə qarşı oynamağa üstünlük verəcəyini bildirib. "TalkSPORT" danışan Ferdinand "Mançester Yunayted"in yay transfer pəncərəsində Harri Keyni ala bilməməsindən təəssüfləndiyini bildirib.

Keynin "Old Trafford"a gəlməməsindən məyus olduğunu ifadə edən Ferdinand, Salaha qarşı oynamağın ona daha çox çətinlik yaradacağını bildirib.

"Düzünü desəm, hər ikisinin komandamda olmasını istərdim. Təsəvvür edin ki, onların hər biri təkbaşına 30 qol vurur. Yəqin ki, Salah qarşılaşmaq istəmədiyim futbolçulardandır".

Premyer Liqada mövsümə əla başlayan Salah "Liverpul"la 7 matçda 3 qol vurub, 4 məhsuldar ötürmə edib. Digər tərəfdən, uzun müddət davam edən “Tottenhem” macərasına son qoyub “Bavariya”ya keçən Keyn Tomas Tuçelin komandasında oynadığı 6 Bundesliqa matçında 8 dəfə rəqib qapısını silkələyib.