Kriştiano Ronaldo yenidən məhkəmə qarşısına çıxacaq

Səudiyyə Ərəbistanının "Əl-Nəsr"inin hücumçusu Kriştiano Ronaldoya qarşı yeni iddia irəli sürülüb.

"Operativ Media" xəbər verir ki, bu barədə "Sky News" məlumat yayıb. Futbolçunu daha əvvəl cinsi təcavüzdə günahlandıran ABŞ vətəndaşı Ketrin Mayorqanın bu dəfə də eyni mövzuda cinsi təcavüzü ilə bağlı yeni iddia qaldırılıb. Bildirilir ki, qızın daha öncəki iddiası oğurlanmış məxfi sənədlərdən istifadə edildiyi üçün ABŞ-ın bir dairə hakimi tərəfindən rədd edilib. Mayorqanın nümayəndələri hazırda ABŞ Apellyasiya Məhkəməsinin işin rədd edilməsini ləğv etməsi və müştərilərinin 2018-ci ildə ilk dəfə qaldırdığı mülki iddianın bərpası üçün çalışırlar.

Xatırladaq ki, 2018-ci ildə Mayorqa portuqaliyalı futbolçunun Las-Veqasda ona təcavüz etdiyini demişdi. Sözügedən qadın iddiasına görə, hadisə 2009-cu ildə baş verib, bundan sonra Ronaldo Mayorqaya susması üçün 375 min dollar verib. Ronaldo isə bu ittihamları rədd etmişdi.