Azərbaycanlı cüdoçu cüdo üzrə gənclər arasında dünya çempionatında gümüş medal qazanıb.

"Operativ Media" xəbər verir ki, Portuqaliyada keçirilən turnirdə ölkəmizi 90 kq çəki dərəcəsində təmsil edən idmançı Vüqar Talıbov final görüşündə yapon Komei Kavabataya uduzaraq çempionatın ikincisi olub.

Daha əvvəl yarışda cüdoçular Vüsal Qələndərzadə (73 kq) qızıl və Nizami İmranov (60 kq) gümüş medal qazanıblar.