Naqelsmann bəzi məşqçiləri tənqid etdi

Almaniya yığması oktyabrda Şimali Amerikada iki yoldaşlıq görüşü keçirmək istəyir. Lakin bu qərarı tənqid edənlər də az olmadı.

"Operativ Media" xəbər verir ki, Almaniya yığmasının yeni baş məşqçisi Yulian Naqelsmann millinin oktyabrda Şimali Amerikada iki yoldaşlıq oyunu keçirməsi ilə bağlı tənqidlərə cavab verib:

“Klub məşqçilərinin nöqteyi-nəzərindən belə bir qərarı tənqid etmək normaldır, bu barədə qeyri-səmimi olmağa ehtiyac yoxdur. Klubda məşqçi qalsaydım, yəqin ki, eyni reaksiyanı verərdim. Amma bizim hamımızın Almaniya futbolu qarşısında məsuliyyətimiz var. Bu səfərə müsbət yanaşmalıyıq. Oyunçular bu matçlarda əllərindən gələni etməlidirlər. Ümid edirəm ki, hamı sağ-salamat qayıdacaq”.

Almaniya millisi iki yoldaşlıq oyunu keçirəcək: oktyabrın 14-də ABŞ ilə, oktyabrın 18-də isə Meksika yığması ilə qarşılaşacaq.