Azərbaycan cüdoçuları Türk Dövlətləri Universiadasının ilk günündə 5 medal qazandı

Azərbaycan cüdoçuları Qazaxıstanda keçirilən ll Türk Dövlətləri Universiadasının cüdo yarışlarının ilk günündə 1 qızıl, 1 gümüş və 3 bürünc medal qazanıb.

"Operativ Media" xəbər verir ki, qızlar arasında -48 kq. çəkidə Ramilə Əliyeva qızıl medal, -57 kq. çəkidə Nuray Quliyeva və Nərgiz Hacıyeva bürünc medala sahib olublar.

Oğlanlar arasında -66 kq. çəkidə Elcan Yusifli gümüş medal, -81 kq. çəkidə Elcan Şəfiyev bürünc medal əldə ediblər.