"Zenit"ə Lunyov lazım olsaydı buraxmazdılar"

Rusiyalı futbol funksioneri Pavel Stipidi "Qarabağ"ın qapıçısı Andrey Lunyovun Rusiya milli komandasına dəvət edilməsinin səhv addım olduğunu deyib.

"Operativ Media" xəbər verir ki, Stipidi "Euro-Futbol.Ru"ya müsahibəsi zamanı "Qarabağ"ın qapıçısı haqda bunları bildirib:

"O, iki-üç ildir Rusiyada oynamır. Almaniyada oynamadı, sonra Azərbaycana getdi. “Zenit”ə Lunyov lazım olsaydı, onu oradan buraxmazdılar. Niyə indi milliyə çağırıblar? Qapıçılarımız yoxdur, yoxsa nə? Bizim bir dəstə gənc qapıçılarımız var, onlar demək olar ki, bütün çempionat komandalarında güclüdürlər. Lakin Pesyakov onlardan biri deyil".

Lunyov Rusiya milli komandasına dəvət alsa da, "Qarabağ - "Bayer" matçında zədələndiyi üçün heyətdən çıxarılıb.