Devid Bekhem Messini niyə transfer etdiklərini açıqladı

"İnter Mayami"nin ortağı Devid Bekhem, Lionel Messinin "Amerika və MLS-ə hədiyyə" olduğunu deyərək bu transferin faktlarından danışıb.

Devid Bekhem də 2007-ci ildə "Real Madrid "dən "La Qalaksi"yə keçərək MLS-də oynayıb. Bununla belə, Lionel Messinin Amerikaya səyahəti MLS səhnəsinə fərqli bir işıq əlavə etdi. Devid Bekhem argentinalı ulduzu niyə transfer etdiklərini açıqlayıb.

"Operativ Media" xəbər verir ki, AFP-yə danışan Devid Bekhem Lionel Messini niyə transfer etdiklərini bu cür açıqlayıb: "Kimsə mənə "Lionel Messi İnter Mayamidədir" dedikdə hələ də inanmaqda çətinlik çəkirəm. Bilirsiniz, bu mənim üçün qürurverici bir vəziyyətdir. Belə bir oyunçu,Dünyanın ən yaxşı oyunçusu bizim komandadadır.Biz Leonu təkcə Mayamiyə deyil,Amerikaya da hədiyyə etdiyimizin fərqində idik.Çünki onun kimi bir ad oyunu dəyişə bilər.Ona görə də Leo transferini istəyirdik. Onunla müqavilə bağlamağımızın səbəblərindən biri də Amerikadakı yeni nəslə ilham verməsini istəməmiz idi. Ona görə də Leonun transferi bu baxımdan bizə vacib idi".

Devid Bekhem layihəsi ilə Lionel Messini MLS-ə gətirdi, lakin ingilis əfsanəsi üçün bu asan olmadı. Çünki Bekhem 10 ildir ki, belə bir addım atmaq üçün gözləyirdi. Səkkiz “Qızıl top” sahibinin Amerikaya transferi ilə amerikalı tamaşaçıların futbola marağının artacağı gözlənilir.