"Qalatasaray"ın mövsümün əvvəlində "Beşiktaş"la rəqabətə girib transfer etdiyi Halil Dərvişoğlu üçün işlər qaydasında getmir.

"Operativ Media" xəbər verir ki, yenidən qayıtdığı "Qalatasaray"da forma rəqabətini uduzan Halilin qışda komandanı tərk etməsi gözlənilir.

23 yaşlı hücumçu bu vaxta qədər 6 matçda sadəcə 42 dəqiqə meydanda olub.

İkardi və Bakambudan sonra əsas heyətə düşmə şansı azalan Halilin qışda başqa komandaya icarəyə veriləcəyi planlanır. Gənc futbolçunun da bu ayrılığa müsbət yanaşdığı bildirilir.