"Hakken"in baş məşqçisi "Qarabağ"la oyundan sonra istefa verəcək

"Qarabağ”la oyundan sonra “Hakken”dən ayrılacağam”.

"Operativ Media" xəbər verir ki, xəbər verir ki, bunu İsveçin “Hakken” klubunun baş məşqçisi Per-Matias Hoqmo yerli mətbuata açıqlamasında deyib.

Norveçli mütəxəssis Avropa Liqasının qrup mərhələsində “Qarabağ”a qarşı keçiriləcək görüşün onun “Hakken” karyerasında son qarşılaşma olacağını bildirib. 64 yaşlı mütəxəssis Asiya Çempionlar Liqasının son qalibi olan Yaponiya klubu “Urava Red Diamonds”un “sükanı arxası”na keçəcək: “Hakken”lə iki il yarımlıq səyahətin bir hissəsi olduğum üçün minnətdaram. Həyatınızda yeni səhifə açmaq hər zaman qarışıq hisslərlə olur. Bu müddətdə “Hakken”də olmaqdan hədsiz sevinc hiss edirəm”.

“Qarabağ” – “Hakken” oyunu dekabrın 14-də Tofiq Bəhramov adına Respublika stadionunda keçiriləcək. Son tur öncəsi “Qarabağ” 7 xalla ikinci pillədə qərarlaşıb. “Hakken”in isə hesabında xal yoxdur