Zlatan İbrahimoviç "Milan"a idarəçi kimi qayıtdı

Son olaraq "Milan" klubunda forma geyinən və karyerasını orada bitirən Zlatan İbrahimoviç yenidən "Milan"a qayıdıb.

"Operativ Media" xəbər verir ki, o, "Milan"a klubun sahibi, ABŞ-nin "RedBird Capital" səhm fondunun məsləhətçisi kimi qayıdıb.

 Zlatan İbrahimoviç yenidən kluba qayıtması haqqında bunları deyib:

"Milan"a olan sevgim heç vaxt bitməyəcək. Futboldan sonrakı karyeramın ilk addımları haqqında çox düşünmüşəm və "Milan"ın üzvü kimi bu səyahətə başlamaq üçün daha həyəcanlı ola bilməzdim. Evimə geri qayıtdım".