İngiltərə Premyer Liqasında müqavilə müddəti məhdudlaşdırılır

Premyer Liqada klublar artıq futbolçularla 5 ildən artıq müqavilə bağlaya bilməyəcək. Son illərdə "Çelsi" bir çox ulduz futbolçu ilə 2030-cu ilə qədər müqavilə imzalayaraq bütün transfer rekordlarını qırmışdı.

İngiltərə komandası futbolçularla 8 illik müqavilə bağlayarkən, bu müddət ərzində ödəniləcək transfer haqqını da uzun müddətə yaymışdı. "Çelsi"nin yüksək transfer haqqı məbləğlərini uzun müddətə yaymasının ən mühüm səbəbi Maliyyə Fair Play qaydalarını pozmaq istəməməsidir.

"Operativ Media" "The Athletic"ə istinadən xəbər verir ki, Premyer Liqa klublarının heyətlərinə qatdıqları futbolçularla maksimum 5 illik müqavilə imzalayacağı bildirilib. Bu qayda keçmiş transferlər üçün deyil, qarşıdakı transfer dövrlərində etibarlı olacaq.