"Qalatasaray" nigeriyalı yarımmüdafiəçi ilə maraqlanır

Türkiyə Super Liqası komandası "Qalatasaray" heyətinə yeni futbolçu cəlb etmək istəyir.

"Operativ Media" xəbər verir ki,  yayda heyətinə qatdığı Kerem Demirbaydan istədiyi performansı ala bilməyən "sarı-qırmızılı" klub o mövqeyə yeni transfer həyata keçirmək istəyir. 

"Qalatasaray" istədiyi futbolçunu Belçikada tapıb. İstanbul təmsilçisi "Klub Brüc"ün nigeriyalı yarımmüdafiəçisi Rafael Onyedika ilə maraqlanır.

22 yaşlı futbolçunun transfer dəyəri 10 milyon avrodur.