Transfer çalışmalarını davam etdirən və heyətini mərkəz müdafiəçisi ilə gücləndirmək istəyən “Fənərbağça” Leonardo Bonuççi ilə razılığa gəlib.

"Operativ Media" xəbər verir ki, Almaniyanın "Union Berlin" komandasında çıxış edən italyan ulduzla 6 aylıq müqavilə imzalanacağı öyrənilib.

Bu arada Bonuççinin "Fənərbağça"da alacağı maaş da açıqlanıb.

İtalyan jurnalist Nikolo Şiranın xəbərinə görə, 2024-cü ilin iyun ayına kimi "sarı-lacivertli" komandaya imza atacaq Leonardo Bonuççi 1,2 milyon avro qazanacaq.

Bonuççi ötən yay "Yuventus"la yollarını ayırıb və Almaniya komandası ilə 1+1 illik müqavilə imzalayıb. "Union Berlin"də 10 matça çıxan 36 yaşlı futbolçu 723 dəqiqə meydanda qalıb və 1 qol vurub.