"Neftçi"nin legioneri: "Azarkeşlərin nəticələrdən razı olmadığını bilirəm"

"Neftçi”nin futbolçusu Kilan Lebon klubun televiziyasına açıqlama verib.

"Operativ Media" xəbər verir ki, bir müddətdir zədədən əziyyət çəkən fransalı yarımmüdafiəçi öz durumundan danışıb və komandasının Antalyadakı təlim-məşq toplanışını dəyərləndirib:

“Hazırlığa fərdi məşqlərlə davam edirəm. Buna görə ümumi məşqlər haqda nəsə deyə bilmərəm. Sevinirəm ki, komanda ilə birlikdəyəm və məşq edirəm. 2 gündür məşqlərə başlamışam, çempionata tam hazır olduğumu deyə bilmərəm, amma ümid edirəm ki, topanışın sonuna qədər hazır olacağam. Azarkeşlərə təşəkkürümü bildirirəm. Hər zaman dəstəklərini duyuruq. Onların nəticələrdən razı olmadığını bilirəm. Ona görə də çalışacağıq ki, çempionatın ikinci hissəsində daha yaxşı çıxış edək”.

Qeyd edək ki, “Neftçi” ilk yoxlama oyununda “Ərzurumspor”a məğlub olub – 1:3. “Ağ-qaralar” ikinci sınaq matçında Almaniya 3-cü liqa təmsilçisi “Sportverein Valdhof”la qarşılaşacaq. Oyun yanvarın 13-də keçiriləcək.