"Qalatasaray" yunan futbolçu ilə razılığa gəldi

"Trabzonspor"la iyunda başa çatacaq müqaviləsini uzatmayan, yeni klubu ilə maraqlanan Anastasios Bakasetası "Qalatasaray" klubu heyətinə qatmaq istəyir.

"Operativ Media" Türkiyə mətbuatına istinadən xəbər verir ki, "sarı-qırmızılı" klub yunan futbolçu ilə böyük ölçüdə razılıq əldə edib.

30 yaşlı futbolçu ilə müqaviləsi bitməmiş qış transfer dövründə yollarını ayırmağı planlaşdıran "tünd-mavililər" "Qalatasaray"dan yaxşı təklif gələrsə futbolçunun getməsinə icazə verəcək.

Qeyd edək ki, bu mövsüm "Trabzonspor"da 18 matçda forma geyinən yunan futbolçu 5 qol vurub, 3 məhsuldar ötürmə edib.