Florentino Perez "Real Madrid"in tarixinə düşdü

"Real Madrid"in prezidenti Florentino Perez klubun tarixinə düşüb.

"Operativ Media" xəbər verir ki, İspaniya Superkubokunda "Barselona"nı 4-1 hesabı ilə məğlub edən "Real Madrid" Florentino Perezin prezidentliyi dövründə 33-cü kubokunu qazanıb.

Perez Santyaqo Bernabeunu geridə qoyaraq İspaniya klubunun tarixində ən çox kubok qazanan prezident olub. 1943-1978-ci illər arasında 35 il prezidentlik edən Bernabeu dövründə "Real Madrid" futbolda 32 kubok qazanıb. Bu kuboklara 16 Laliqa və altı Çempionlar Liqası kuboku daxildir.