Türkiyə çempionatında top qovan daha bir israilli futbolçu sosial media paylaşımına görə hədəfdədir.

"Operativ Media" xəbər verir ki, "Başakşəhər" klubunun futbolçusu Eden Karzev müharibənin 100 günlüyünü ifadə edən foto paylaşıb. Fotoda həmçinin HƏMAS-ın əlində olan israilli girovların ailələrinə qaytarılmasına çağırışı ifadə edən "bringthemhomenow (onları evlərinə qaytarın) həşteqi yer alıb. 

Azarkeşlər tərəfindən linç olunan futbolçu barəsində klub rəhbərliyi tərəfindən araşdırma başlanılıb.

Qeyd edək ki, dünən "Antalyaspor"un futbolçusu Saqiv Yehezkel qol vurduqdan sonra sevincini israilli əsirlərə həsr etdiyinə görə komandadan uzaqlaşdırılmışdı.