"Qarabağ"dan ayrılan Qaspar Panaderonun yeni komandası məlum olub.

"Operativ Media" xəbər verir ki, 26 yaşlı futbolçu karyerasını vətənində davam etdirəcək.

Vinger İspaniyanın 3-cü Liqa təmsilçisi "Linares Deportivo"ya keçib. Bu barədə klubun mətbuat xidməti məlumat yayıb.

Futbolçu ilə cari mövsümün sonuna qədər nəzərdə tutulan müqavilə imzalanıb.

Qeyd edək ki, Qaspar Panadero 2022-ci ilin yayında "Qarabağ"a transfer olunub və komandanın heyətində 4 rəsmi matçda meydana çıxıb.