"Qana" millisinin baş məşqçisi qovuldu

Qana millisinin Afrika Millətlər Kubokundan erkən vidasından sonra Kris Hyüton millinin baş məşqçisi vəzifəsindən qovulub.

"Operativ Media" xəbər verir ki, Hyütonun komandası Kot-D'İvuarda qrup mərhələsində keçirdiyi üç oyundan heç birində qalib gələ bilməyib, cəmi iki xal toplayıb və B qrupunda üçüncü yeri tutub.

Qana Futbol Federasiyasından çərşənbə axşamı verilən açıqlamada, ingilis baş məşqçinin işdən çıxarılmasına icra şurası tərəfindən qərar verildiyi bildirilib.

 Qana Futbol Assosiasiyası (GFA) Kris Hyütonun əsas milli komandanın baş məşqçisi vəzifəsindən dərhal azad edildiyini elan edib.