İraq Kürdüstan Regionunun Başçısı COP29-da iştirak etmək üçün Azərbaycana dəvət olunub

İraq Kürdüstan Regionunun Başçısı Neçirvan Bərzani COP29-da iştirak etmək üçün Azərbaycana səfərə dəvət olunub.

"Operativ Media" xəbər verir ki, dəvət Prezident İlham Əliyevin fevralın 17-də Münxendə Neçirvan Bərzani ilə görüşü zamanı gerçəkləşib.

Xatırladaq ki, bu il Azərbaycanda COP29 keçiriləcək. Bu qərar ötən il dekabrın 11-də BƏƏ-nin Dubay şəhərində keçirilmiş COP28-in plenar iclasında qəbul edilib.