Abşeron Rayon Polis İdarəsinin əməkdaşları tərəfindən ötən gün inzibati ərazidə hüquqpozmalara qarşı növbəti profilaktik tədbirlər keçirilib.
Bu barədə "Operativ Media"ya Daxili İşlər Nazirliyindən məlumat verilib.
Bildirilib ki, tədbirlər nəticəsində müxtəlif inzibati pozuntu törədən 209 şəxs barəsində protokol tərtib olunub. Borclu şəxs kimi axtarışda olan 11 nəfər müəyyən edilərək aidiyyəti üzrə təhvil verilib. Rayon ərazisində mülki silahın saxlanılması qaydalarının pozulmasına görə 5 nəfər barəsində protokol tərtib olunub. Abşeron RPİ-nin Mehdiabad Polis Bölməsinin əməkdaşları tərəfindən keçirilən tədbirlər zamanı isə 10 ədəd müvafiq sənədləri olmayan ov silahı vətəndaşlar tərəfindən könüllü olaraq polisə təhvil verilib.
