http://operativmedia.az/frontend/img/svg/proqnozu.svg
Bakı 18 ° C

Hikmət Rəhimov: "Yeni layihə üzərində artıq işləyirəm" - MÜSAHİBƏ

29 Fevral 2024 , 11:19
2667
Hikmət Rəhimov: "Yeni layihə üzərində artıq işləyirəm" -  MÜSAHİBƏ

Fevralın ilk günlərində təqdimatı baş tutan "Apatiya" filmi xeyli müzakirələrə səbəb oldu. Hikmət Rəhimovun rejissoru olduğu film həm tənqid edildi, həm də təqdir edildi. Azərbaycan izləyicisinin ekranda görməyə öyrəşmədiyi səhnələr, cəmiyyətin bugünkü vəziyyətini əks etdirən verilişlərin film boyunca kəsilməyən səsləri, problemli ailə münasibətlərinin fonunda uşaqların öz həyatlarından və hüquqlarından məhrum olması, var-dövlətin ailə dəyərlərindən üstün tutulması, insanın dözümünün bitdiyi məqamda içindən çıxan cani və bir sıra digər məsələlər filmdə öz əksini tapıb. 

H.Rəhimovun ikinci tammetrajlı filmi hadisələlərin yarımçıq kəsilməsi ilə izləyicilərin ağlında suallar yaranmasına səbəb oldu.

"Operativ Media" olaraq aktyor-rejissor Hikmət Rəhimov ilə müsahibəmizdə həmin suallara cavab tapmağa çalışdıq:

- Hikmət bəy, “Apatiya” filmində heç bir müsbət hadisənin olmaması nəzərdən qaçmadı. Bunun səbəbi nə idi?

- "Apatiya"da əsas işıq uşaq və onun divardakı rəsmləri idi.

- Filmin sonluğunda hadisələr yarım qaldı. Bu "Apatiya 2"nin çəkiləcəyindən xəbər verir?

- Ola bilər.

“Apatiya” Hikmət Rəhimovun "şah əsəri" hesab edilə bilər, yoxsa hələ bu ada layiq layihəniz gələcəkdə olacaq?

Mən "şah əsər"  haqqında düşünmürəm. Düşünürəm ki, işlər olsun və təcrübəm məni gördüyüm işlə birgə böyütsün.

- Filmin nümayişinədək çox çətinliklərlə qarşılaşdınız?

- Problemlər, çətinliklər hər zaman olur, amma səbrlə onları adlamaq lazımdır.

- Filmə olan geridönüşlər sizi qane edir? Gözləntilərinizi qarşılayır?  

- Tərif, tənqid, təhqir... Bunların hər üçü oldu və bu, gözlənilən idi. Əsas odur ki, film müzakirə olundu. Mənə də bu lazım idi.

- “Apatiya”dan sonra yaşanan məlum qətl hadisəsi, cinayətkarın eyni adlı və eyni üsuldan istifadə etməsi... Bunlar sizə necə təsir etdi?

- Baş verən hadisə filmin üzərinə gələn insanların qəzəbini haradasa bir az yüngülləşdirdi. Eyni ad, eyni alətlə qətl törətmək, həm həyatda, həm də filmdə, düzü, özüm də şokda idim. Biz realda olan hadisəni 4 gün öncə filmlə qabaqladıq və cəmiyyətə mesaj ötürə bildik.

- Kinonun başından sonunadək aparıcı Elgizin, Xoşqədəmin səsi kəsilmədi. Onların cəmiyyətimizə təsirini necə dəyərləndirirsiniz?

- Onların cəmiyyətə, cəmiyyətin də onlara qəribə simpatiyası var. Mən sadəcə bu simpatiyanı göstərdim, başa düşən düşdü artıq.

- Ümumiyyətlə, Azərbaycanın hazırki kino sahəsini necə qiymətləndirirsiniz? Hansı əskiklər var?

- Azərbəycan kinosunda hal-hazırda durğunluq var. Ümid edirik ki, düzələr. Ən ciddi məsələ isə maddi məsələdir.

- "Apatiya” filmini Fuad Poladova həsr etməniz nə ilə bağlıdır?

- Mən gördüyüm bütün işləri, əziz və dəyərli Fuad müəllimin əziz xatirəsinə həsr edəcəm. Bunu sadəcə ürəyim belə istəyir.

- Yeni proyektlərinizin ideyası hazırda var, yoxsa hələ ki bir müddət dincəlmək istəyirsiniz?

- Yeni bir lahiyə üzərində artıq işləyirəm. Tezliklə yəqin ki, bu barədə ictimaiyyətə açıqlama verərik.

Sevinc İbrahimzadə

OXŞAR XƏBƏRLƏR
Batma təhlükəsi ilə üzləşən 2 nəfər xilas olunub

Batma təhlükəsi ilə üzləşən 2 nəfər xilas olunub

II ixtisas qrupu üzrə bir nəfər maksimum bal toplayıb

II ixtisas qrupu üzrə bir nəfər maksimum bal toplayıb

İyulun 7-də keçirilən qəbul imtahanlarının nəticələri elan olunub

İyulun 7-də keçirilən qəbul imtahanlarının nəticələri elan olunub

XƏBƏR LENTİ
  • 23:33

    Fələstin bütün ölkələri İsraillə münasibətlərə yenidən baxmağa çağırıb
  • 23:11

    Batma təhlükəsi ilə üzləşən 2 nəfər xilas olunub
  • 22:58

    Pentaqon: Qərbin Kiyevə yardımının dayandırılması Rusiyanın qələbəsinə gətirib çıxaracaq
  • 22:51

    "Şamaxı" yeni transfer etdiyi futbolçuyla yollarını ayırdı
  • 22:43

    Blinken gələn həftə Vanq Yi ilə görüşə hazırlaşır
  • 22:29

    Rusiya XİN: KTMT-nin BMT əməliyyatlarına qoşulması üçün yaxşı perspektivləri var
  • 22:14

    Ukrayna və Britaniya 2,5 milyard dollar dəyərində müdafiə sazişi imzalayıb
  • 21:58

    Türkiyə Qəzzadakı hərəkətlərinə görə İsraili cəzalandırmağa çalışacaq
Menyu