Hazırda Bakıda və Abşeron yarımadasında qarlı və şaxtalı hava şəraiti davam edir. Qar örtüyünün hündürlüyü 10 sm, havanın temperaturu 2 dərəcə şaxta təşkil edir.

"Operativ Media"nın xəbərinə görə, bu barədə Ekologiya və Təbii Sərvətlər Nazirliyi məlumat yayıb. Qeyd olunub ki, şimal-şərq küləyinin arabir güclənməsi ilə əlaqədar çovğunlu hava şəraiti müşahidə olunur.

Görünüş məsafəsi 1-2 km-dək məhdudlaşıb.

Yarımadanın ən ucqar cənub-şərq nöqtəsində yerləşən Abşeron Milli Parkının ərazisində də özünəməxsus qar görüntülər yaranıb.