Azərbaycandan 172,3 milyon dollar dəyərində tomat ixrac edilib

Bu ilin yanvar-sentyabr aylarında ölkədən 172,3 milyon ABŞ dolları dəyərində tomat ixrac edilib.

Operativ Media Dövlət Gömrük Komitəsinin hesabatına istinadən məlumat verir ki, ötən ilin müvafiq dövrü ilə müqayisədə ixracın dəyəri 9,6 faiz artıb.

Cari ilin ilk 9 ayında bu kateqoriyadan olan məhsulların ümumi ixracda xüsusi çəkisi 0,72 faizə, qeyri-neft məhsullarının ixracında çəkisi isə 2,59 faizə bərabər olub.