"44 günlük Vətən müharibəsi zamanı kiber resurslardan dezinformasiya yayılması, mülki əhali arasında təşviq, qorxu və inamsızlıq yaradılması, dinc insanlara qarşı törədilmiş terror hücumlarına  haqq qazandırılması məqsədilə istifadənin şahidi olmuşuq".

“Operativ Media” xəbər verir ki, bunu 25 sentyabr tarixində regionda ilk dəfə Azərbaycanın ev sahibliyi etdiyi Kiberdiplomatiya üzrə beynəlxalq konfransda Azərbaycan Respublikası xarici işlər nazirinin müavini Samir Şərifov deyib. 

Samir Şərifov müharibədən sonra da təcavüzkar ölkənin cinayətləri ört-basdır etmək üçün kiberməkandan fəal iştirak etdiyini bildirib:

“Müharibədən sonra da təcavüzkar ölkə törətdiyi cinayətləri ört-basdır etmək üçün kiberməkandan fəal şəkildə istifadə etmişdir. İnanıram ki, beynəlxalq hüququn prinsiplərininin rəhbər tutulması və dövlətlər tərəfindən birgə səylərin göstərməsi ilə kibertəhlükəsizliyin təmin olunması istiqamətində müsbət irəliyəyiş əldə olunacaqdır.

Vurğulamaq istəyərəm ki, Azərbaycan Respublikası qlobal miqyasda kiberdiplomatiya sahəsi üzrə təşəbbüslərdə fəal iştirakını və beynəlxalq tərəfdaşlarla kibertəhlükəsizlik siferasında əməkdaşlıqları davam etdirmək niyyətindədir”.