Siyavuş Novruzov: Vətəndaşların böyük əksəriyyəti məhkəmədə çıxarılan qərardan deyil, prosesdən şikayətlənir

Hər bir hakimə düşən işin sayı kifayət qədər olduğundan bizə müraciət edən vətəndaşların böyük əksəriyyəti çıxarılan qərardan deyil, prosesdən şikayətlənir.

"Operativ Media" xəbər verir ki, bunu Milli Məclisin komitə sədri Siyavuş Novruzov parlamentin oktyabrın 8-də keçirilən plenar iclasında çıxışı zamanı deyib.

Onun sözlərinə görə, hansı ki, həmin proses tam şəkildə düzgün hüquqi faktlara uyğun şəkildə həyata keçməyəndə qərarın özünün də etibarlığı diqqəti o qədər cəlb etmir:

“Məhkəmə də əsas hallardan biri prosesin düzgün həyata keçirilməsidir. Başa düşürəm ki, bu gün kifayət qədər boşanma və mülkiyyət münasibətləri ilə bağlı məhkəmələrə müraciətlər var. hər kəs də üzünü məhkəməyə tutur, çünki bunu digər hüquq-mühafizə orqanları araşdıra bilmir. Bunu məhkəmə araşdırmalı və qərar qəbul etməlidir. ona görə də iş çoxdur və keyfiyyət baxımından yaxşı olması üçün müraciətlərə axıra kimi baxılmalı və tam şəkildə qərar qəbul edilməlidir”.