Azərbaycanda son iki ildə zərgərlik bazarı üzrə dövriyyə 378% artıb

"Zərgərlik sənayesində kölgə iqtisadiyyatı ilə mübarizə tədbirləri və təşviq mexanizmlərinin tətbiqi müsbət nəticələrə yol açıb".

"Operativ Media" xəbər verir ki, bunu Azərbaycanın İqtisadiyyat naziri Mikayıl Cabbarov tviterdə bildirib.

"2022-ci ildə qızıl və gümüşdən hazırlanmış zərgərlik məmulatlarının ölkədaxili dövriyyəsi 2021-ci illə müqayisədə 42% artaraq 152 mln. 835 min ₼ olub. Son iki ildə zərgərlik bazarı üzrə dövriyyə 378% artıb",- o, qeyd edib.