Ailə başçısını itirməyə görə əmək pensiyası hüququ hansı hallarda yaranır?

Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondunun məlumatına görə, vəfat etmiş və ya həlak olmuş şəxslərin aşağıdakı ailə üzvlərinin ailə başçısını itirməyə görə əmək pensiyası hüququ var:

Operativ Media həmin şəxsləri təqdim edir:

- 18 yaşına çatmamış övladlarının;

- 18 yaşına çatanadək əlilliyi müəyyən olunmuş 18 yaşından yuxarı əlilliyi olan övladlarının;

- təhsil müəssisələrinin əyani şöbəsində təhsil alan, lakin ən çoxu 23 yaşına çatanadək olan övladlarının;

- kişilər üçün 65 yaşa, qadınlar üçün isə 64 yaş (01.07.2024-cü il tarixindən 01.07.2025-ci il tarixinədək qadınların pensiya yaş həddi 64 yaş müəyyən edilib) çatmış və ya orqanizmin funksiyalarının 61-100 faiz pozulmasına görə əlilliyi müəyyən edilmiş atanın, ananın, ərin, arvadın;

- vəfat etmiş və ya həlak olmuş ailə başçısının 8 yaşına çatmamış uşaqlarına, qardaşlarına, bacılarına, nəvələrinə baxan və işləməyən, yaşından və əmək qabiliyyətindən asılı olmayaraq valideynlərdən birinin və ya ərin (arvadın), yaxud babanın, nənənin, qardaşın, bacının ailə başçısını itirməyə görə əmək pensiyası almaq hüququ var.