PA rəsmisi: Düzgün koordinasiyanın təşkili ötən il məhkəmə xidmətlərinin əlçatanlığını təmin edib

Düzgün koordinasiyanın təşkili ötən il mübahisələrin həlli üzrə məhkəmə xidmətlərinin əlçatanlığını təmin edib.

Operativ Media xəbər verir ki, bunu Prezident Administrasiyasının İqtisadi siyasət və sənaye məsələləri şöbəsinin sektor müdiri Vüsal Şıxəliyev “Mübahisələrin həlli, məhkəmə sistemi və hüququn aliliyi” işçi qrupunun iclasında çıxışı zamanı deyib.

O bildirib ki, bu sahədə yol xəritəsinin hazırlanaraq sistemli fəaliyyətin təşkil edilməsi, biznes assosiasiyalarının, sahibkarların inkluziv şəkildə iştirakının təmin edilməsi işin səmərəli olmasına şərait yaradıb:

"İşçi qrupunun hesabatı üzrə mübahisələrin həlli indekatoru üç əsas sütun əsasında qiymətləndirmənin aparılmasını nəzərdə tutur. Birincisi mübahisələrin həlli istiqamətində qanunvericilik bazasının qiymətləndirilməsidir. Bu daha çox de-yure aspektdən qiymətləndirməni nəzərdə tutur.

İkinci istiqamət mübahisələrin həlli üzrə dövlət xidmətlərinin mövcudluğu və əlçatanlığıdır. Bu da daha çox de-fakto, yəni müvafiq xidmətlərin qanunvericiliklə nə dərəcədə tamamladığını müəyyən edən istiqaməti nəzərdə tutur.

Üçüncü sütun isə birinci və ikinci sütunun praktikada tətbiqinin səmərəliliyinin ölçülməsi ilə bağlıdır. Əgər işçi qrupun qarşısında qiymətləndirmə aparılsa, ölkə göstəricilərinin nədən ibarət olduğunu müəyyən etmək üçün diaqnostikanın həyata keçirməsini xahiş edirik. Ən önəmli məsələ öncədən görüləcək işləri müəyyən etməkdir".