Dumanlı hava şəraiti daha bir neçə gün davam edəcək.
Hazırda Bakıda və Abşeron yarımadasında, eyni zamanda Quba, Şabran, Beyləqan, İmişli, Sabirabad, Zərdab, Neftçala, Biləsuvar, Lənkəran, Astarada duman müşahidə olunur və görünüş məsafəsi 500 metrədək məhdudlaşır.
Operativ Media xəbər verir ki, bu barədə Milli Hidrometeorologiya Xidmətinin martın 10-u saat 9:00-a olan məlumatında deyilir.
Bildirilib ki, ölkə ərazisində dumanlı hava şəraitinin martın 14-dək fasilələrlə davam edəcəyi gözlənilir.
